әскерлердің орын ауыстыруы

(Перебазирование войск)

авиация орналасатын жаңа орын жасау, бұрыннан бар топтарды күшейту немесе бөлімдер мен құрамаларды ұрыс қимылдары ауданына (өңірге) жақындату мақсатында орын ауыстыру. Соғыс кезінде Ә.о.а. оперативтік-стратегиялық жағдайлардың өзгеруіне байланысты туындайды. Флот авиациясының (күшінің) орын ауыстыруын бастауға дейін, оған арналған аудан (пункт) инженерлік және тылдық жағдайларда дайындалып, оның қорғанысы мен қарсыластың әуе, теңіз және құрлық шабуылдарынан қорғау ұйымдастырылады. Операция барысында майдандық (тактикалық) және әскери авиацияның орын ауыстыруы үшін әскердің ілгерілеу қарқынына байланысты жаңа, сонымен қатар қарсыластан тартып алынған аэродромдар қолданылады.